Tamataman En Lohd Eh Pwoudo

Dahme kahrehda en Lohd eh pwoudo sohpeila mwuri ni eh tangatangasang Sodom? Paipel sohte mahsanih. (Sen 19:17, 26) Nan sapwellimen Sises kehkehliko, kasalehda me mwein liho poakohng eh kepwe kan me e kohkohlahsang. (Lu 17:31, 32) Ia duwen atail en dehr luhssang kupwuramwahu en Koht duwehte dahme en Lohd pwoudo wia? Kitail en dehr wiahkihla raparapahki kepwe kan en keieu kesempwal rehtail. (Md 6:33) Sises ketin padahngki me kitail “sohte kak liduwih Koht oh Kepwe.” (Md 6:24) Ahpw ia duwen ma kitail diarada me kepwe kan tepidahr kerempwa atail ahnsou en papah Koht nan atail mour? Kitail kak kapakap ong Siohwa peki loalokong pwe kitail en kilangada ia wasa kitail anahne wekidala oh peki eimah oh kehl pwe kitail en wia met.

TAMANDA KASDO ME WIAWIHKIHDA PALI SILUH REMEMBER THE WIFE OF LOT, OH SAPENGALA PEIDEK PWUKAT:

• 

  Ia duwen en meteikan idingkihong Gloria en wiahda mwohni laud eh kamwakid eh madamadau, koasoi oh wiewia?

• Ia duwen en Lohd pwoudo eh wia mehn kataman ehu ong kitail rahnpwukat?

• Ia duwen kapwaiada kaweid en Paipel kan eh sewese Joe oh eh peneinei?

• Ia duwen en Anna eh werekiong ienge tohndoadoahk ko eh kamwakid eh nanpwungmwahu rehn Koht?

• Dahme kahrehda kitail anahne eimah ma meteikan idingkihong kitail en mwohneki mahs mwohni nan atail mour?

• Ia duwen Brian oh Gloria ara pwurehng mwohneki mahs ara papah Koht?

• Mehnia kaweid en Paipel kan me ke kilang eh sansalda nan kasdo wet?