“Pousehlahte Medemedewe Mepwukat”

Soahng dah kan? Pilipai 4:8 mahsanih me kitail en kin medemedewe soahng kan me mehlel, me kesempwal, me pwung, me mwakelekel, me kahrehda limpoak, me wahu, me mwahu, oh me warohng kaping. Met sohte wehwehki me Kristian akan anahne kin medemedewehte duwen Paipel ahnsou koaros. Ahpw soahng kan me kitail kin pilada en doudouloale anahne kin kaperenda Siohwa. Kitail en dehr kin medemedewe duwen soahng kan me pahn kahrehiong kitail en apwalki lelepek ong ih.​—Me 19:14.

E kak apwal en soikala madamadau soh konehng kan. Kitail anahne kin pelianda atail ineng soh unsek kan, oh pil Sehdan, “koht en koasoandi en mwehi wet.” (2Ko 4:4) Pwehki e kin kamwakamwakid dahme kin kohda nan tv, redio, Internet, oh pil soahng kan me kitail kin wadek, duwehte nuhs, makasihn oh pwuhk kan, kahrehda soahng pwukat kin susuwedla. Kitail anahne kanahieng ni atail kin pilada dahme kitail pahn kihong nan atail madamadau, pwehki dahme kitail kin audehkihda atail madamadau kin kamwakid mwomwen atail kin madamadau oh e pahn uhd kamwakid mwomwen atail wiewia kan.​—Sei 1:14, 15.

KILANG KISIN KASDO AVOID WHAT ERODES LOYALTY​—IMPROPER ENTERTAINMENT, OH MWURI SAPENGALA PEIDEK PWUKAT:

• 

  Dahme brothero kilikilang nan nah cellphono, oh ia duwen met eh kamwakid ih?

• 

  Ia duwen Kalesia 6:7, 8 oh Melkahka 119:37 eh sewese ih?