Ia Uwen Laud en Omw Kesempwalki Mahsen en Koht?

Paipel kin audaudki madamadau oh mahsen en Siohwa Koht kan, me ntingihada pwuhk sarawi wet. (2Pi 1:20, 21) Pwehn kasalehda kadehdepen sapwellimen Koht pwuhng en kaunda me wehwehki sapwellime wehi, Paipel kihong aramas koaros koapworopwor me ahnsou keren mour pahn mwahula sang met. Paipel pil kasalehda irair limpoak en Samatail nanleng, Siohwa.—Me 86:15.

Emenemen kitail kin kesempwalki sapwellimen Siohwa Mahsen ni soangsoangen kahrepe kan. Ahpw ia duwe, kitail kin kasalehda me kitail kin uhdahn kesempwalki kisakis kesempwal wet sang ni atail kin wadek rahn koaros oh eri kapwaiada nan atail mour? Atail wiewia kan en kin kadehdehda me kitail kin ahneki en sounmelkahkao pepehm kan: “Ia uwen ei poakohng sapwellimomwi kosonnedo!”—Me 119:97.

KILANG KISIN KASDO THEY VALUED THE BIBLE—EXCERPT (WILLIAM TYNDALE), OH MWURI SAPENGALA PEIDEK PWUKAT:

• 

  Dahme kahrehda William Tyndale kawehwehdi ekei pwuhk kan en Paipel?

• Dahme kahrehda eh doadoahk laud en kawehwehdi Paipel uhdahn kapwuriamwei?

• Ia duwen ekei nein Tyndale Paipelo keweiweila nan England?

• Ia duwen emenemen kitail atail kak kasalehda me kitail uhdahn kesempwalki Mahsen en Koht?