Neitail Web Site—Wiawihda ong Kamwahupatail oh Meteikan
Sises ketin kehkehlingkihong kitail en kalohki rongamwahu en Wehio “wasa koaros nin sampah, pwe kadehde en mie ong aramas koaros.” (Mad. 24:14) Pwehn sewese kitail en ‘wia atail pwais en sounkadehde en Rongamwahu, oh pil kapwaiada,’ watchtower.org, jw-media.org, oh jw.org kapatpatpenehr oh wiahla jw.org Web site.—2 Tim. 4:5.
“Wasa Koaros Nin Sampah”: Silikis ehu en aramas koaros nan sampah kin doadoahngki Internet. Ih ehu wasa aramas tohto, ahpw mehlel me pwulopwul kan kin keieu alehdi ire kan me re anahne. Neitail Web site kin kihong irail me kin doadoahngki Internet pasapeng mehlel kan ong arail peidek kan en Paipel. E padahkihong irail duwen sapwellimen Siohwa pwihn oh kamengeila ren peki onop en Paipel en wiawi ni imwarail. Met kahrehda rongamwahu en kak lella wasa kan nan sampah me aramas akan sohte kalapw rong rongamwahu en Wehio.
“Aramas Koaros”: Pwe kadehde en mie ong “aramas koaros,” kitail anahne kihda padahk mehlel en Paipel nan soangsoangen lokaia kan. Irail me kin doadoahngki jw.org kak diarada ire kan me re mwahuki ni mpen lokaia 400, mwadangasang ar pahn rapahki nan Web site teikan.
Isaneki Doadoahngki: Wekideklahn Web site jw.org kaidehn ongete kalohk ong irail me saikinte ese padahk mehlel. E wiawihda pwe Sounkadehdehn Siohwa kan en pil iang doadoahngki. Ma ke kak doadoahngki Internet, se kangoange iuk en doadoahngki jw.org. Wiepen omw pahn doadoahngki kileldi pah.
[Kilel nan pali 3]
(Pwehn kilang nting kan ni soandi mwahu, kilang pwuhk wet)
Song Met
1 Padikolong www.jw.org nan wasahn adres en Internet browser en noumw computer.
2 Rapahki ire kan me ke mwahuki nan site wet sang ni omw padik headings, menu options oh links.
3 Song doadoahngki jw.org nan noumw smart phone de tablets ape me kak doadoahngki Internet. Page layout kak katikitikala ong sais en noumw screeno, ahpw ire kan pahn duduwehte.