“Ekei Sawas ong Kihla Kahn Iroir nan . . . ”

Ehuehu sounpwong, mie padahk nan atail Mihting en Kalohk me kin pid atail pahn kihla Kahn Iroir kan. Koasoandi wet kaidehn pwe kitail en kousapahlih audepen Kahn Iroir kan, ahpw kitail en koasoiapene ire kan me pid ia duwen atail pahn kak kihla makasihn kan. Ihme kahrehda, brother me pahn wia padahko kin idawehn kaweid oh ni mwotomwot tepikihda eh padahk ire kan me pahn kamwakid tohnmwomwohdiso ren perenki doadoahngki Kahn Iroir kan. Mwuri, e pahn idek rehn sounkalohk kan ren kasalehda ia duwen arail pahn doadoahngki ehu ire de ekei ire kan pwe koaros en kak idawehn oh kilelehdi mehnia ire kan me re men doadoahngki. E pahn idek rehn sounkalohk kan mehnia peidek me pahn kamwakid aramas akan oh idek duwen iren Paipel kan me e koasoanehdi en wadawad. E pahn koasoanehdi pwe ehu kamwomwada en kaimwisekala padahko. Kitail en kousapahlih Kahn Iroir kan mwohn atail kohla mihting oh onopada pwehn pasapeng. Ma kitail kaunopada mwahu, padahk wet pahn sewese kitail koaros en sawaspene kamwahwihala mwomwen atail pahn kihla Kahn Iroir kan.—Lep. Pad. 27:17.