Makasihn kan kin Pakpakairki Wehio
1 Pali moron en aramas kin wehwehki me Sounkadehdehn Siohwa kan kin ngoangki kalohki Wehin Koht. Makasihn en Watchtower (Kahn Iroir ni lokaiahn Pohnpei) oh Awake! me kitail kin kihseli kin sewese aramas rar rar kei en sukuhliki kupwuren Koht. Rohng kan me ntingdi nan makasihn pwukat kin inenen mwahu pwehki re kin pakpakairki Wehin Koht nanleng oh ihte Wehi wet me kak wahdo koapworopwor ong aramas.
2 Makasihn pwukat kin doakdoake anahn en aramas akan—anahn en palien pepehm oh anahn en nanpwungen aramas oh anahn en pali ngehn. Pwehki tiahk en aramas oh mour en peneinei wie susuwedla wasa koaros, The Watchtower oh Awake! kin sewese aramas en kamwahuiala arail mour ni arail pahn doadoahngki kaweid en Pwuhk Sarawi. Ihme kitail perenki kihla makasihn pwukat nan May oh June.
3 Re kin Kamwekid Aramas akan: The Watchtower oh Awake! kin ntingdi ni lokaia tohto oh kereniong tohnsampah koaros kak wadek makasihn pwukat. Pwehki met, ihme pali moron en aramas wehwehki duwen makasihn pwukat. Iet ekei kahrepe kan neitail makasihn kan kin kamwekid aramas en wadek:
◼ Pwehki makasihn pwukat kin kasalehda dahme mehlel oh pwung, re kin sansal dahme mwahu oh dahme suwed.
◼ Re kin kihong kitail koapworopwor en mour nan paradais ni ahnsou kohkohdo me poahsoanda pohn sapwellimen Koht inou en kaunda sampah ki Wehin Koht.
◼ Makasihn pwukat kin audaudki oaralap kan me kin pid atail ahnsou oh ihme aramas sohte lipilipil sang wehi koaros kin perenki wadek.
◼ Artikel kan kin pwung oh kasukuhlih aramas oh sohte kin lipilipilki aramas.
◼ Karasaras kan kin kahreong sounwadawad en perenki wadek artikel kan oh dahme ntingdi me sansal oh soahng pwukat kin kahrehda aramas kin perenki wadek makasihn pwukat.
4 Kihseli Wasa Koaros: Ma kitail men kihseli makasihn kan wasa koaros, kitail anahne kaunopada mwahu dahme kitail pahn nda oh koasoanehdi atail ahnsou mwahu oh koasoanehdi soahng koaros me pid duwen kalohk. Iren sawas kan mihmi nan neitail doaropwe Atail Doadoahk Ong Wehio en September 1995 oh November 1996, ihme e mwahu kitail en kousapahlih oh doadoahngki.
5 Pein Wadek oh Kasawih Makasihn kan: Ni ahmw wadek makasihn ehu, medewehla ihs me pahn men wadek makasihn. Tehk ire kan oh iren Paipel kan me ke kak doadoahngki nan ahmw padahk. Medewehla peidek ehu me ke kak doadoahngki pwehn kahreong tohnihmw en men wadek artikelo.
6 Wia Ahmw Padahk me Mwahu ong Aramaso me Ke Tuhwong: Kaunopada ahmw padahk en mengei oh kaunopada soangsoangen padahk me pahn mwahu ma ke tuhwong ohl men de lih men de emen mah de emen pwulopwul de emen me ke ese de emen me ke sehse.
7 Kaunopada Mwahu Pwehn Kihla Watchtower oh Awake! Ahnsou Sohte Lipilipil: Pwehki e mengei en weuwa makasihn kan nan atail ehd kan oh atail kopwou kan oh nan atail pwekid kan, kitail kak weuwa makasihn kan ahnsou me kitail seilohk oh kohla netinet. Kihla makasihn kan ahnsou me kitail koasoiong atail peneinei oh mehn mpatail kan oh iengatail tohndoadoahk kan oh iengatail tohnsukuhl kan oh atail sounpadahk kan. Koasoanehdi ahmw ahnsou en iang kalohk oh kihla makasihn kan.
8 Kasalehda Ahmw Kalahnganki Makasihn kan: Makasihn koaros, makasihn kan en rahn teio oh makasihn kapw kan, me kesempwal. Makasihn kan en rahn teio kin kesempwal duwehte makasihn kan en rahn pwukat. Ihme, ma kitail nantiong kihla makasihn koaros me kitail oahtehdo, makasihn kan sohte koasokoasok mwahl nan deuwen pwuhk kan.
9 Kalohk Nanial Inenen Katapan: Kalohk nanial iei elen kalohk me mwahu en kihong aramas tohto makasihn kan. Ekei sounkalohk kan kin kalohk nanial nan wasahn netinet ahnsou me aramas tohto kin wie netinet.
10 Kalohk Ni Wasahn Pisnes Kin Pweida Mwahu: Ahnsou koaros kitail kin tuhwong irail me kin apwalih pisnes kan. Pali moron en aramas en pisnes kin kadek ong kitail oh kin perenki ale makasihn kan. Kitail kak kasalehong irail artikel kan me kin pid duwen arail pisnes.
11 Makasihn Route kan Kak Imwikihla Onop en Paipel: Pwehki makasihn en lokaiahn wai kin wiawihda pak riau nan sounpwong ehu, ihme kitail anahne pwurehng pwurala rehn aramas me kin wadek makasihn kan oh kihong irail makasihn kapw kan. Kitail anahne kaukaule pwurala rehrail, kaidehn ihte en kihong irail makasihn kapw kan, ahpw sewese irail ni arail pahn kekeirada wehwehkihla Pwuhk Sarawi. Makasihn route kan kak imwikihla onop en Paipel ong aramas akan.
12 Doadoahngki Ahmw Ahnsou Mwahu Nan May oh June: Aramas tohto me kin wadek makasihn en Watchtower oh Awake! kin kalanganki neitail makasihn kan. Makasihn kan kin inenen mwahu en pakpakairkihseli Wehio oh ihme kitail kak weuwa ahnsou koaros pwehn kak kihong aramas. Kitail en doadoahngki atail ahnsou mwahu nan May oh June pwehn kihseli makasihn kan!