Mie Ahmw Oaht en Makisihn?
1 Mie pak me ke iang tuhpenehn kalohk oh ke diarada me ke sohte wahda makisihn nan ahmw kopwou de ehd? Eri, mwein ke pil tamatamante dahme artikel nan Our Kingdom Ministry (lokaiahn wai) en September 1995 (insert) koasoia: “Doadoahngki Noumw Makisihn kan ni Ahl me Keieu Mwahu.” E padahkiong kitail en “wiahda pein atail oaht en makisihn,” oh e pil pousehla oh koasoia: “Medemedewe makisihn depe ke uhdahn anahne oh kehsehki brother me kin apwalih makisihn kan. Ni ahl wet, kowe oh ahmw peneinei pahn kaukaule ale noumwail makisihn me itar.” Ke wiahdahr ahmw oaht en makisihn kan?
2 Dahme ke soh wiakihda ahmw oaht en makisihn kan? E pahn kalaudehla ahmw pepehm en me ke pwukoahki kihseli makisihn kan nan wihk koaros, oh ke pahn kalaudehla ahmw peren ma ke pahn wia met. Ma ke oahtehr noumw makisihn kan, tehk mwahu ma ke kin alehda itar ong ehuehu sounpwong. Ahpw, ni mehlel, kitail men lelepek ni atail pahn ale neitail makisihn kan me kitail oaht nan Kingdom Hall. Ma ke pahn seiloak oh kohkohsang ahmw mwomwohdiso ong ahnsou werei ieu, kehsehki brother me kin apwalih makisihn kan oh ma ke men en kihong pil emen sounkalohk noumw makisihn kan lao ke pwurehng pwurodo.
3 Insertohte pil kangoange kitail en “koasoanehdi ehu rahn ong kihla makisihn kan.” Ni atail pahn wia uwen me kitail kak nan doadoahk en kihseli makisihn kan, kitail kin “wah rongamwahu en mehkot me mwahu” ong mehn mpatail kan.—Aiseia 52:7.