Doadoahngki Neitail Web Site nan Kalohk​—“Peidek kan en Paipel Pasapengla”

Nan jw.org mie ehu wasa me nda “Bible Teachings” me ehu oaralap koasoia “Peidek kan en Paipel Pasapengla.” Ma tohnihmwo idek ehu peidek pwukat, kitail pahn kak kasalehiong irail duwen Web site wet ma pein kitail wadekehr peidek pwukat me aramas kin kalapw idek. Kitail pil kak doadoahngki peidek pwukat pwehn tapiada koasoakoasoipene rehn tohnihmwo nan kalohk. Kitail kak pilada ehu peidek me tohnihmwo pahn perenki nan atail wasahn kalohk, idek rehn tohnihmwo eh madamadau, oh eri padahkihong dahme Paipel mahsanih, doadoahngki elen padahk kan sang nan jw.org. Mwurin mwo, kitail kak kawehwehiong ih ia wasa kitail diar ie ire pwukat. Kitail pil kak mweidohng ih en wadek pasapeng sang nan Web site. En emen sounapwalih me kin seiloak eh pwoud kin pweida nan eh padahk ni eh kin nda: “Aramas tohto kin medemedewe, ‘Ia duwe, Koht me pwukoahki atail lokolok kan?’ Ke men ese pasapengpen met nan sekente 51?” Liho eri kasalehda pasapengpen met sang nan mehn rongorong ehu me e doadoahngki pwehn alehdihsang dahme mi nan neitail Web site. E kaimwisekihla ni eh kasalehiong irelaud 11 en pwuhken Paipel Padahngki.