Neitail Web Site—Doadoahngki ong Omw Kalohk
Kangoange Aramas akan Ren Doadoahngki Neitail Web Site: Ekei me kin pweiek en koasoi ong kitail de ale neitail pwuhk kan pahn men pein tehk nan jw.org nan imwarail pwehn esehla ihs Sounkadehdehn Siohwa kan. Eri padahkihong aramas akan duwen neitail Web site ni ahnsou koaros me konehng.
Sapeng Peidek kan: Ekei pak tohnihmw men, de emen me men rong de emen me kitail ese pahn idek duwen Sounkadehdehn Siohwa kan de dahme kitail kin kamehlele. Kasalehiong ih pasapengo ni ahnsowohte ni omw doadoahngki mobile kan me duwehte smart phone ape de computer. E kalapw mwahu en wadek iren Paipel kan sang nan Paipelo. Ma sohte elen omw kak doadoahngki Internet, kawehwehda ia duwen emen eh kak doadoahngki jw.org en pein diarada pasapengo.—Kohla nan Web site wasa me nda “Bible Teachings/Bible Questions Answered” de “About Us/Frequently Asked Questions.”
Kadarala Ehu Ire de Ehu Pwuhk ong Emen me Ke Ese: Kapatahiong PDF de EPUB me ke downloado nan noumw e-mail me ke pahn kadar. De download ong nan ehu CD ngilen wadawad en ehu pwuhk. Ehuehu ahnsou me ke kihong emen me saikinte papidais ehu pwuhk, de ehu kisin pwuhk pali 32 de ehu makasihn pwon me ke download de kadar nan e-mail, ke kak wiahki mepwukat pwuhk kan me ke kihla. Soahng pwukat en dehr pekederla rehn aramas me ke sehse de pekeder ni tohto. Oh en dehr pil upload ong nan ehu Internet Web site tohrohr.—Kohla nan wasa me nda “Publications.”
Kasalehda Rohng Kapw kan Duwen Sounkadehdehn Siohwa kan: Met pahn sewese tohnsukuhl en Paipel kan oh meteikan me ke kin pwurala rehrail ren kakairada arail kalahnganki atail doadoahk nan sampah pwon oh atail kin miniminpene nin duwen Kristian kan. (Mel. 133:1)—Kohla wasa me nda “News.”
[Kilel nan pali 5]
(Pwehn kilang nting kan ni soandi mwahu, kilang pwuhk wet)
Song Met
1 Nan “Publication,” ke kak diar soahng kan me ke mwahuki download oh padik powe de pohn ngilen wadawad en pwuhk kan ni mwohmw me ke mwahuki.
2 Padik pohn MP3 pwehn kasalehda irekidi en ehuehu iren onop kan. Padik oaralap en iren onopo pwehn download de padik ▸ pwehn rong online.
3 Pilada ehu lokaia me irekidi ma ke mwahuki download ehu pwuhk ni lokaiao.