Sampah ‘Kadallehla Pillapo’

Ni soangsoangen ahnsou kan en poadopoad, kaun en koperment kan kin sewese sapwellimen Siohwa aramas akan. (Esr 6:1-12; Est 8:10-13) Pil nan rahnpwukat, kitail kin kilang “sampah”​—kisehn koasoandi en mwehi wet me toupahrek sang meteikan—​kadallehla “pillap” en kalokolok me “drakono” Sehdan me Tepil, kahrehda. (Kau 12:16) Ele ekei pak, Siohwa Koht “me kin komourkitailla,” kin ketin kamwakid kaun akan pwehn kihda elen kapitala sapwellime aramas akan.​—Me 68:20; Lep 21:1.

Ahpw ia duwen ma ke selikihdi omw pwoson? Ke dehr peikasalki me Siohwa kin ketin apwahpwalihiuk. (Sen 39:21-23; Me 105:17-20) Kamehlele me ke pahn ale ketingpen omw pwoson, oh omw lelepek kin kangoange riomw Kristian akan nan sampah pwon.​—Pil 1:12-14; Kau 2:10.

KILANG KISIN KASDO KOREAN BROTHERS RELEASED FROM PRISON, OH MWURI SAPENGALA PEIDEK PWUKAT:

• Dahme kahrehda brother kid kei selidi nan imweteng nan South Korea erein sounpar tohto me douwehr powe?

• Ia koasoandi en mwoalen kopwungo me kahrehda ekei riatail brother ko kapidohi sang nan imweteng?

• Ia duwen atail kak sewese riatail Kristian kan nan sampah pwon me met wie sensel pwehki arail pwoson?

• Ia duwen atail pahn doadoahngki saledek me kitail ahneki ahnsou wet?

• Ihs me uhdahn pahn ale kapingpen kana kan me kitail kin ale nan mwoalen kopwung kan?