MOMOUR NIN DUWEN KRISTIAN KEI
Tamataman en Kapakapki Kristian kan me Mi nan Lokolok
Paipel kohpada me Sehdan pahn kaloke kitail pwehn song en kauhdi atail doadoahk en kalohk. (Sohn 15:20; Kaud. 12:17) Ia duwen atail kak sewese riatail Kristian kan me wie lokolok nan sahpw teikan? Kitail kak kapakapkin irail. “Kapakap en aramas mwahu men me inenen manaman.”—Seims 5:16.
Dahme kitail kak kapakapki? Kitail kak peki rehn Siohwa en ketikihong riatail kan eimah oh sewese irail ren dehr masepwehk. (Ais. 41:10-13) Kitail pil kak kapakapki kaun akan ren pwungki koasoandi en doadoahk en kalohk “pwe kitail en kak momourki mour meleilei oh popohl.”—1 Tim. 2:1, 2.
Ni ahnsou me Pohl oh Piter lelohng kalokolok, tepin Kristian akan kapakapkin ira ni arail doadoahngki adara kan. (Wiewia 12:5; Rom 15:30, 31) Mendahki atail sohte ese eden irail koaros me wie lokolok rahnwet, ia duwe, kitail kak kasalehda eden arail mwomwohdiso, wehi, de sahpw nan atail kapakap kan?