Kalaudehla Atail Koahiek Nan Doadoahk En Kalohk​—Kalohk ong me Maskun

DAHME KAHREHDA E KESEMPWAL: Tohto irail me maskun kan sohte kin nsenamwahuki koasoiong irail kan me re ahpwtehn tuhwong. Ihme kahrehda emen anahne ahneki koahiek en kalohk ong soangen aramas pwukat. Siohwa kin ketin kasalehda sapwellime limpoak oh nsenoh ong me maskun kan. (Lip 19:14) Kitail kak alasang sapwellime mehn kahlemeng ni atail kin sewese aramas maskun kan ren wiahla kompoakepahn Siohwa.

IA DUWEN OMW PAHN WIA MET:

• “Rapahki” me maskun kan. (Md 10:11) Mie me ke ese me kisehn eh peneinei maskun? Mie imwen sukuhl kan, wasahn apwalih me mah kan, de wasa teikan me pahn perenki ale sawasepen Paipel kan me wiawihda ong me maskun?

• Kasalehda omw nsenohki ih. Omw kadek oh nsenoh mehlel pahn sewese kameleileidi me maskun men. Song tapiada koasoiaiong emen duwen ire ehu me tohn omw wasa pahn perenki rong

• Sewese irail en alehdi sawasepen Paipel kan. Pwehn sewese irail me sohte kak kilang wasa, sapwellimen Siohwa pwihn kin wiahda sawasepen Paipel kan ni soangsoangen mwohmw kan. Idek soangen wiepen kasukuhl dah me e mwahuki. Sounapwalih en kalohk anahne tehk mwahu pwe sounsawas en wasahn pwuhko en audehda pekipek sang me maskun men pwehn oahte soangen pwuhk me aramas maskuno mwahuki