Patohwanohng Siohwa me Keieu Mwahu Rehmw

5:5-7, 11

Nan Israel, en wia aramas semwehmwe men sohte kin irehdi emen en kak wiahda popohl rehn Siohwa. Pil mehn Israel me keieu semwehmwe kak wiahda meirong me kin kaperenda kupwuren Siohwa, ma met iei uwen arail kak koaros. Re kak meirongki pilawa amas, ahpw Siohwa ketin kupwurki pilawa amaso en “mwahu,” duwehte me kin kadoadoahk pwehn kasamwo me mwemweitdo kan. (Sen 18:6) Rahnwet, Siohwa kin ketin kupwurki atail “meirong en kaping,” sohte lipilipil uwen laud en atail irair kan eh kin irehdi dahme kitail kak patohwanda.​—Ipr 13:15.

Ia duwen met eh kak kangoangeiuk ma ke sohte kak wia mehkoaros me ke kin wia mahso, mweinele pwehki omw roson eh luhluwetala de sohla angin omw wia mepwukat?