Ke Men Kapedolong Pekipek en Iang Sukuhl ong Sounkalohki Wehio?

Ia duwe, omw sounpar mi nanpwungen sounpar 23 oh 65 oh ke kin doadoahngki pali laud en omw ahnsou ong papah Siohwa? Ke ahneki roson mwahu oh kak papah wasa sohte lipilipil me anahn laud mie? Ma ei, ke men kapedolong pekipek en iang Sukuhl ong Sounkalohki Wehio kan? Sang ni tepin kasukuhl wet eh wiawi, irail me pwopwoud kan oh brother sister kiripw kid kei pekiher ren iang sukuhl wet. Ahpw se anahne brother kiripw kan en tohtohsang meteikan me pahn kapedolong arail pekipek kan. Peki Siohwa en ketin kalaudehla omw ineng en kaperenda Ih oh alasang sapwellime Ohlo. (Me 40:8; Md 20:28; Ipr 10:7) Mwuri medewe ma mie omw pwukoa teikan me ke anahne kapwaiada, duwehte pwukoahn peneinei, doadoahk de pweipwand. Ma ei, ke kak wiahda ekei wekidekla kan pwe ken kak iang towehda sukuhlo?

Ni ahl dah de ia wasa me irail me alehdi kasukuhl wet kak papah? Ekei me kesepwilier kin papah nan wasa kan me kin lokaiahki ehu lokaia tohrohr de re kin iang doadoahk tohrohr en kalohk ong wehipokon nan kahnimw laud kan. Mwuhr ekei kin papah nin duwen wiliepen sounapwalih me kin seiloak, de wia emen sounapwalih me kin seiloak, de misineri. Ni omw medewe soahng kan me ke kak wia ong papah Siohwa, ele ke pahn ahneki en soukohp Aiseia madamadau me nda: “Iet ngehi, Maing, komwi ketin poaroneiehla.”​—Ais 6:8.

KILANG KISIN KASDO FIELD MISSIONARIES​—WORKERS IN THE HARVEST, OH MWURI SAPENGALA PEIDEK PWUKAT:

• 

  Ia duwen misineri kan ar kin pilipilda?

• 

  Soangen doadoahk mwahu dah me misineri kan kin wia?

• 

  Ia ekei kapai kan me kohsang doadoahk en misineri?