Peneu​—Kasalepen Sapwellimen Siohwa Limpoak

Peneu kin pidada kaweid oh kasukuhl, ahpw e pil kin pidada kapwung oh kalokolok. Siohwa kin ketin panawih kitail pwe en ketin kupwurki atail kin kaudokiong ih. (Ro 12:1; Ipr 12:10, 11) Ekei pak, peneu ele kak kamedek, ahpw e kin kahluwalahng pwung oh kapai kan. (Lep 10:7) Dahme irail me kin kihda peneu oh irail me kin ale peneu anahne tamataman?

Me kin kihda peneu. Elder kan, pahpa nohno kan oh meteikan kin nanti laud en kihda peneu ni kadek oh limpoak duwehte Siohwa. (Ser 46:28) Pil peneu kehlail anahne kohda ni ahl ehu me pwungiong irairo oh sang ni limpoak.​—Tit 1:13.

Me kin ale peneu. Sohte lipilipil soangen peneu me kin kohda, kitail en dehr soikala met ahpw song en mwadang kapwaiada. (Lep 3:11, 12) Nin duwen aramas soh unsek kei kitail koaros anahne peneu, me kin wiawi ni ahl sohte lipilipil. Kitail kak ale peneu sang ni dahme kitail wadek nan Paipel de rong nan mihting en mwomwohdiso kan. De ekei pak, mie ekei me anahne peneu sang pwihnen elder kan. En peikiong peneu uhdahn kin kahluwalahng mour.​—Lep 10:17.

KILANG KISIN KASDO “THOSE WHOM JEHOVAH LOVES HE DISCIPLINES,” OH MWURI SAPENGALA PEIDEK PWUKAT:

• 

  Ia duwen en Canon mour eh tepida, oh ia duwen eh wekila?

• 

  Peneu limpoak dah me e alehdi sang rehn Siohwa?

• 

  Dahme kitail sukuhlkihsang soahng kan me wiawihong ih?