Kitail Kin Kasalehda Limpoak ni Atail Utung Sapwellimen Siohwa Peneu

Koasoandi en piskenla kin perehla mwomwohdiso oh panawih irail kan me sohte koluhkihla diparail. (1Ko 5:6, 11) Ni atail kin utungada soangen peneu wet sang Siohwa, kitail kin kasalehda limpoak. Ia duwen met eh kin mehlel ni piskenla eh kahrehiong koaros me pidada en nsensuwedla, iangahki irail me peneineiki me piskenlao oh pil pwihn me kihda peneuo?

Ahpw dahme keieu kesempwal iei atail pahn kasalehda atail poakohng kasarawihpen mwaren Siohwa oh sapwellime koasoandi ong soahng sarawi kan. (1Pi 1:14-16) Kitail pil kin kasalehda atail poakohng aramas piskenlao. Ahpw mendahki peneu kehlail kin kamedek, e kak wahdo “wahn popohl me iei elen pwung.” (Ipr 12:5, 6, 11) Kitail kin irehdi sapwellimen Siohwa peneu ma kitail kin werekiong emen me piskenla de emen me pein pilada en mweisang mwomwohdiso. Tamataman me Siohwa kin ketin panawih sapwellime aramas akan oh ketin wia met “ni pwung.” (Ser 30:11) Kitail koapworopworki me aramas piskenlao pahn pwurodo rehn Samatail me kalahngan. Ahpw ni atail awiawih en pwurodo, kitail kin doulahte utungada peneu me Siohwa ketikihda oh wia uwen atail kak koaros pwe atail nanpwungmwahu rehn Siohwa en kehlailte.​—Ais 1:16-18; 55:7.

KILANG KISIN KASDO MAINTAIN LOYALTY WITH A UNIFIED HEART, OH MWURI SAPENGALA PEIDEK PWUKAT:

• 

  Soangen medek dah me pahpa nohno Kristian kan kin pehm ni neira seri men kohkohsang Siohwa?

• 

  Ia duwen mwomwohdiso ar kak sewese kisehn peneineio me kin kolokol arail lelepek?

• 

  Koasoi en Paipel dahieu me karasahda me loalopwoatohng Siohwa kin kesempwalsang loalopwoatohng atail peneinei?

• 

  Ia duwen atail loalopwoatohng Siohwa eh kin kesempwalsang atail loalopwoatohng atail peneinei?