Kasalehda Limpoak nan Peneinei

Limpoak duwehte kiluh me kin kapatapene peneinei ehu. Ma sohte limpoak, e pahn apwal ong peneineio en miniminpene oh sawaspene. Ia duwen ohl pwopwoud kan, lih pwopwoud kan, oh pahpa nohno kan ar kak kasalehda limpoak nan peneinei?

Ohl pwopwoud limpoak men pahn kin medewe anahn en eh pwoud, eh madamadau oh eh pepehm kan. (Ep 5:28, 29) E pahn kin kihda anahn en eh peneinei oh sewese irail en karanihala Siohwa, iangahki kaukaule wia Kaudok en Peneinei ni soutik kan. (1Ti 5:8) Lih pwopwoud limpoak men pahn kin uhpah oh “wauneki laud” eh pwoud. (Ep 5:22, 33; 1Pi 3:1-6) Ira koaros pahn kin men mahkpene ni mehlel. (Ep 4:32) Pahpa nohno limpoak kan kin kasalehda ar nsenohki emenemen neira seri kan oh padahkihong irail ren poakohng Siohwa. (Deu 6:6, 7; Ep 6:4) Soangen kahpwal dah kan me neirail seri kan kin lelohng nan sukuhl? Ia duwen ar kin powehdi kasongosong sang iengarail kan? Ma limpoak kin laud nan peneinei, tohnpeneineio pwon pahn ahneki pepehm en sohte perki mehkot.

KILANG KISIN KASDO DISPLAY UNFAILING LOVE IN YOUR FAMILY, OH MWURI SAPENGALA PEIDEK PWUKAT:

• 

  Ia duwen ohl pwopwoud limpoak men eh kin apwalih oh kesempwalki eh pwoud?

• 

  Ia duwen lih pwopwoud limpoak men eh kin wauneki laud eh pwoud?

• 

  Ia duwen pahpa nohno limpoak kan ar kin padahkihong neira seri kan Mahsen en Koht?