Doadoahngki Pereperenki Mour Kohkohlahte! nan Kalohk

Ia uwen atail perenkihda kisin pwuhk kapwo oh pwuhk kapwo ong wia onop en Paipel! Kitail kapakapki Siohwa en ketin kapaia atail doadoahk laud en katohtohwehla tohnpadahk kan. (Md 28:18-20; 1Ko 3:6-9) Ia duwen atail pahn doadoahngki mehn doadoahk kapw pwukat?

Pereperenki Mour Kohkohlahte! me wia elen koasoakoasoiapene duwen Paipel, kin kasalehda wiepen padahk kapw ehu. Eri idawehn kaweid pwukat ni omw kaunopada oh wia onop en Paipel kan.a

• Wadek iren mehn kasukuhlo oh koasoiapene peidek kan

• Wadek iren Paipel me kasalehda “wadek”, oh sewese tohnsukuhlo en wehwehki ia duwen eh kak kapwaiada

• Kasalehda oh koasoiapene kisin kasdo kan, doadoahngki peidek ong kisin kasdo kan

• Song en kanekehla ehuehu iren mehn kasukuhl ni ehuehu ahnsou

Ni omw kalohk, kihla kisin pwuhko mahs pwe ken kilang ma tohnihmwo perenki rong. (Kilang koakon “Ia Mwomwen Kihla Kisin Pwuhko Pereperenki Mour Kohkohlahte! ni Omw Tepin Tuhwong Emen.”) Ma kumwa kanekehla amwa onopki kisin pwuhko oh ma tohnsukuhlo men pousehlahte onop, eri kihla pwuhko oh tepikihda iren mehn kasukuhl 04. Ma ke kin onop rehn emen ni omw doadoahngki pwuhken Padahkihong Kitail de Dadaurete ni Limpoak en Koht, eri doulahng nan pwuhken Pereperenki Mour Kohkohlahte! oh koasoanehdi wasa me kumwa pahn tepisang ie.

KILANG KISIN KASDO WELCOME TO YOUR BIBLE STUDY, OH MWURI SAPENGALA PEIDEK PWUKAT:

• Dahme tohnsukuhl kan pahn sukuhlkihsang nan pwuhk kapw wet?

• Dahme kahrehda ke anahne kasalehiong tohnsukuhl kapw kan kisin kasdo wet?

• Mehn akadei dah kan me ke anahne ekisekis kangoangehki tohnsukuhlo en koasoanehdi oh kapwaiada?​—Kilang koakon “Iren Medemedewe oh Mehn Akadei kan ong Ehuehu Pali.”