Ihs me Kompoakepahmw nan Online?

Kompoakepah kin wehwehki “aramas emen me karanihala emen sang ni eh poakohng de wauneki.” Karasepe, Sonadan oh Depit tepida ahneki nanpwungmwahu kehlail mwurin Depit eh kemehla Kolaiad. (1Sa 18:1) Emenemen ira kasalehda irair kan me kahrehiong ira en men kerenpene. Kahrehda, nanpwungmwahu kehlail kin kohsang loalokong pwung. Ahnsou oh nanti laud kin anahn pwehn esehla emen. Ahpw e kin mengei en kompoakepahnkihla aramas emen nan online. Pwehki aramas akan nan online kin koasoanehdi dahme re pahn nda oh kin kasalehda ekeite soahng kan me pid irail, e mengei ren ekihla soangen aramas dahkei irail. Kahrehda e mwahu ken medewe ni keneinei soangen aramas akan me ke pahn kompoakepahnki. Dehr suwedki pohnsehse de soikala friend request kan sang aramas akan me ke uhdahn sehse pwe ke kahng kamedekihala ar pepehm kan. Ekei kin ese soahng keper kan me kakete pwarada kahrehda re pilada ren sohte douluhl doadoahngki social network. Ahpw ma ke pilada ken doadoahngki mepwukat, dahme ke anahne tamataman?

KILANG KISIN KASDO BE SOCIAL-NETWORK SMART, OH MWURI SAPENGALA PEIDEK PWUKAT:

• 

  Dahme ke anahne medewe mwohn omw comment oh kihda kilel kan?

• 

  Dahme kahrehda ke anahne pilada kompoakepahmw kan nan online ni keneinei?

• 

  Dahme kahrehda ke anahne koasoanehdi uwen ahnsou me ke pahn doadoahngki ong social network?​—Ep 5:15, 16