Sawas Ong Onop

Diarada Soahng Teikan Duwen Sapwellimen Siohwa Irair Kaselel kan

Ni atail wadek Paipel, kitail kak wia roporop pwehn wehwehkihla mwahu dahme kitail wadek. Ahpw, kitail sohte men onop ihte pwehn kalaudehla atail wehwehki Paipel. Kitail men diarada soahng kesempwal teikan duwen sapwellimen Siohwa irair kaselel kan me pahn kalaudehla atail poakohng ih. Pwehn wia met, kitail kak pein idek rehtail, ‘Dahme iren Paipel wet padahkihong ie duwen Siohwa?’

Karasepe, ke kak kalaudehla omw ese ia duwen Siohwa eh kin ketin kasalehda limpoak, erpit, pwung pahrek, manaman. Ahpw, mie sapwellimen Siohwa irair kaselel tohto teikan me ke kak sukuhlki. Ia wasa ke kak diarada sapwellime irair kan?

Menlau kilang nan Sawas ong Wia Roporop en Sounkadehdehn Siohwa kan pahnangin oaralapo “Siohwa Koht” oh pahn sawasepen oaralapo “Sapwellimen Siohwa Irair kan.” Mwuri, tehk irair kan me sansalda sang dahme ke wadek nan omw wadawad en Paipel.