Sukuhlsang Kilel kan

Mie kilel de mahlen tohto nan neitail sawasepen Paipel kan me kin padahkihong kitail ire kesempwal kan. Ia duwen omw kak doadoahngki kilel pwukat pwehn seweseiuk?

• Kilang mahs kilel kan nan artikelo mwohn omw wadek. Kilel ko kak kamwakid uhk en men ese audepen artikelo oh men wadek. Duwehte omw kilang mwenge iou oh men kangada, ke pil pahn men wadek artikel ehu ma ke kilang mahs kilel kan. Eri mwohn omw wadek artikelo, pein idek rehmw, ‘Dahme I kilikilanget?’—Eimw. 7:​7, 8.

• Ni omw wadek artikelo, medewehla ia kahrepen kilel ko ar mi nan artikelo. Wadek nting kan me kawehwehda kilel ko ma mie. Medewehla ia duwen kilel ko eh pidada ireo me e koasoakoasoia oh pil omw mour.

• Mwurin omw wadek, pwurehng kilang kilel ko oh doadoahngki pwehn seweseiuk tamataman ire kesempwal kan. Kihpene mesomw kan oh song en tamanda kilel ko oh dahme ke sukuhlkihsang.

• Pwurehng kilang kilel kan nan makasihn wet oh kilang ma ke kak tamanda ire kan me ke sukuhlki.