Doadoahngki Pereperenki Mour Kohkohlahte! Pwehn Kakairada Pwoson Siohwa oh Sises

Pwe tohnsukuhl en Paipel kan en kaperenda Koht, re anahne kakairada pwoson kehlail. (Ipr 11:6) Kitail kak sewese irail en wia met ni atail doadoahngki pwuhken Pereperenki Mour Kohkohlahte! Pwuhken onop wet kin kasalehda iren Paipel kesempwal kan, kawehwe sansal, peidek me pahn kamwakid, kisin kasdo kangoang oh mahlen kaselel kan. Ni atail sewese tohnsukuhlo en kakairada irair en Kristian oh ahneki nanpwungmwahu rehn Koht, met duwehte atail kin kaukihda ihmw soahng kan me sohte kak mwasingkihla kisiniei.​—1Ko 3:12-15.

Ekei aramas apwalki medewe me re kak kompoakepahnkihla Koht me re sohte kak kilang. Eri kitail anahne sewese irail en esehla Siohwa oh likih ih.

KILANG KISIN KASDO BUILD FAITH IN JEHOVAH, USING “ENJOY LIFE FOREVER!” OH MWURI SAPENGALA PEIDEK PWUKAT:

• Ia duwen atail ese me sistero kaunopada mwahu ong onopo?

• Ia duwen eh doadoahngki peidek mwahu kan pwehn sewese tohnsukuhlo en kasalehda eh madamadau oh pepehm duwen Aiseia 41:10, 13?

• Ia duwen kisin kasdo oh iren Paipel kan eh kamwakid tohnsukuhlo?

Aramas tohto sohte kin wehwehki pweinen pweipwei sapahlo, de re sohte medewe me met iei sapwellimen Koht kisakis ong irail. (Kal 2:20) Kahrehda, kitail anahne sewese ren kakairada ar pwoson sapwellimen Sises pweinen pweipwei sapahlo.

KILANG KISIN KASDO BUILD FAITH IN JESUS, USING “ENJOY LIFE FOREVER!” OH MWURI SAPENGALA PEIDEK PWUKAT:

• Ia duwen atail ese me brothero kaunopada mwahu ong onopo?

• Ia duwen eh doadoahngki ire kan me mi nan “Pil Tehk” pwehn sewese tohnsukuhlo?

• Dahme kahrehda e kesempwal en kapakapki tohnsukuhlo?