Melkahka kan
Ong sounpihtih keseng; ong ngilen keseng “Kiepw me Wia Mehn Kadehde.” Mikdam.* En Depit melkahka. Ong padahk. Ni ahnsou me e peiong Aram-naharaim oh Aram-Sopa, oh Sohap pwurodo oh kemehla mehn Edom 12,000 nan Wahun Soahl.+
60 Maing Koht, komw ketin soingkitalahr; oh kaloweikitdier.+
Komw ketin engieng paht; ahpw met komw ketin kasapahlkitodo!
2 Komw ketin wiahiongehr sampah en rerada; komw ketin pwalangpesengier.
Komw ketin kamwahwihala wasa ohla kan, pwe e mwermwerpeseng.
3 Komw ketin kahrehiongehr sapwellimomwi aramas akan en lokolongki kahpwal.
Komw ketin kanimehkinkiter wain me kahrehiong at wasawasasseli.+
4 Komw ketikihong* irail kan me kin lemmwiki komwi kilel ehu
Pwe ren tang oh sarek kesik ketieuwo. (Selah)
5 Komw ketin doarehkinkitala palimaun en nin limomwi oh sapeng kiht,
Pwe irail kan me komw kin ketin poakohng en pitila.+
6 Koht ketin mahsen sang ni sapwellime irair sarawi:*
7 Ngehi me ahneki Kilead oh pil Manase,+
Oh Epraim me wia ei lisoarop;*
Suda me wia nei sokon en kaun.+
8 Mohap me wia nei peisin en kamwakel.+
I pahn kesehla ei suhto pohn Edom.+
I pahn weriwerki ngilen kana pohn Pilisdia.”+
9 Ihs me pahn waielahng ni kahnimw me kapilpilpeneo?*
Ihs me pahn kahre ie lella Edom?+
10 Kaidehn komwi, Maing Koht, me ketin soingkitalahr,
At Koht me solahr kin iang at tungoal karis en sounpei kan ketieila?+
11 Komw ketin sewesei kiht nan at kahpwal,
Pwe sohte katepen komour me kohsang aramas.+