Esekiel
28 Siohwa ketin pwurehng mahsanihong ie: 2 “Nein-aramas, ndaiong kaunen Dair, ‘Iet me Kaun Wasa Lapalahpie Siohwa ketin mahsanih:
“Pwehki omw mohngiong aklapalapala,+ ke kin ndinda, ‘Ngehi koht emen.
I kin mwohd pohn mwoalen koht nanwerengen sehdo.’+
Ahpw kowe ihte aramas emen, kaidehn koht emen,
Mendahki ke medewe me kowe koht emen nan mohngiongomw.
3 Kilang! Ke loalokongsang Daniel.+
Sohte mehkot rir me ekiek sang uhk.
4 Ke pein kepwehpwehla sang ni omw erpit oh koahiek en dehdehki ire kan,
Oh ke kin kihkihpene kohl oh silper nan omw wasahn nahk dipwisou kesempwal kan.+
5 Omw koahiek en pesines kahrehiong omw uhdahn kepwehpwehla,+
Oh omw mohngiong aklapalapala pwehki omw kepwehpwe.”’
6 “‘Ihme kahrehda iet me Kaun Wasa Lapalahpie Siohwa ketin mahsanih:
“Pwehki ke medewe me kowe koht emen nan mohngiongomw,
7 I pahn wadohng uhk mehn liki kan, me keieu lemei rehn wehi kan,+
Oh re pahn usada neirail kedlahs kan oh kauwehla soahng kaselel koaros me ke ahneki sang ni omw erpit
Oh kasaminehla omw lingan.+
9 Ia duwe, ke pahn kin ndaiongete me pahn kemeiukalao, ‘Ngehi koht emen’?
Ke pahn wiahte aramas emen, a kaidehn koht emen, nan pehn irail me pahn kasamineiukala.”’
10 ‘Sang ni pehn mehn liki kan, ke pahn mehla duwehte irail me sohte sirkumsais,
Pwe ngehi me mahmahsen,’ Kaun Wasa Lapalahpie Siohwa me ketin mahmahsen.”
11 Oh Siohwa ketin pwurehng mahsanihong ie: 12 “Nein-aramas, koulki koulen kedepwidepw pwoat* duwen nanmwarkien Dair, oh ndaiong ih, ‘Iet me Kaun Wasa Lapalahpie Siohwa ketin mahsanih:
13 Ke mihmi nan Ihden, mwetuwel en Koht.
Ke kapwatkihda takai kesempwal koaros
—Rupi, topas oh sasper; krisolaid, oniks oh seid; sapair, turkuois+ oh emerald;
Oh poahsoanpen takai pwukat wiawihkihda kohl.
Mepwukat kaunopadahr ni rahn me ke kapikipikda.
14 I koasoaneiukedi nin duwen kerup keidi en silasil.
Ke kin mi pohn nahna sarawi en Koht,+ oh ke kin alu nanpwungen takai kisiniei kan.
15 Sohte sapwung kis mi rehmw ni omw wiewia kan sang ni rahn me ke kapikipikda
Lao ke tepida wia me suwed.+
Eri I pahn keseiukala sang ni nahnahn Koht nin duwen me samin men oh kamwomwuhkala,+
Kowe kerup en silasil, I pahn kihsang uhk nan omw wasa nanpwungen takai kisiniei kan.
17 Omw mohngiong aklapalapala pwehki omw lingan.+
Ke kauwehla omw erpit pwehki omw lingan.+
I pahn keseiukedi nin sampah.+
I pahn wiahkinuhkala mehkot ehu mwohn nanmwarki kan pwe ren kilikilang.
18 Pwehki omw dihp laud oh omw pesines mwersuwed, ke kasaminehla omw wasa sarawi kan.
I pahn kahrehiong kisiniei en lulda loalomw, oh e pahn kamwasikeiukala.+
I pahn wiahiong uhk ken pehsla pohn sampah mwohn koaros me kilikilang uhk.
19 Koaros me eseiuk nanpwungen aramas akan pahn kangkakil uhk ni pwuriamwei.+
Ke pahn mwadang imwisekla ni ahl kamasepwehk,
Oh ke pahn sohrala kohkohlahte.”’”+
20 Oh Siohwa ketin pwurehng mahsanihong ie: 21 “Nein-aramas, sohpeilahng Saidon,+ oh wia kokohp ong ih. 22 Ke pahn nda, ‘Iet me Kaun Wasa Lapalahpie Siohwa ketin mahsanih:
“Saidon, I kin uhwong uhk, oh I pahn linganla pwehki dahme wiawihong uhk;
Oh aramas akan pahn anahne ese me ngehi me Siohwa ni ei pahn kadeikada ih oh sarawihla sang ni ei wiewia kan ong ih.
23 I pahn kadarala reh soumwahu lusulus oh nta pahn pwilipwil pohn eh ahl akan.
Me tohto reh pahn kamakamala ni ahnsou me kedlahs pahn kodohng ih sang pali koaros;
Oh re pahn anahne ese me ngehi me Siohwa.+
24 “‘“Eri tuhke tekatek kamedek kan,+ me iei irail me kin mwamwahliki Israel sohla pahn kapilpene wehin Israel; oh aramas akan pahn anahne ese me ngehi me Kaun Wasa Lapalahpie Siohwa.”’
25 “‘Iet me Kaun Wasa Lapalahpie Siohwa ketin mahsanih: “Ni ahnsou me I pahn pwurehng kihpene mehn Israel kan sang nanpwungen aramas akan wasa me re mwarahkpeseng ie,+ I pahn sarawihla nanpwungarail mwohn mesen wehi kan.+ Oh re pahn kousoan nan sapwarail+ me I kihong ei ladu Seikop.+ 26 Re pahn kousoan nan sahpwo ni ar sohte perki mehkot+ oh kauwada ihmw kan oh padok mwetin kreip kan,+ oh re pahn kousoan ni ar sohte perki mehkot ni ei kadeikada koaros me mi limwahrail me kin mwamwahlikin irail;+ oh re pahn anahne ese me ngehi me Siohwa arail Koht.”’”