Siohwa Iei Silepei’

1. Siohwa Koht iei Silepei;

Dah ien masangki mehkot?

E ketin apwalih mwahu nah sihpw

Sohte pahn manokehla.

E kahreielahng lehn pihl kan,

Kakehl oh kapaia ie.

E kahl’wa ie pwehki pein mware

Nan ahl akan en me pwung.

E kahl’wa ie pwehki pein mware

Nan ahl akan en me pwung.

2. Ma I mi nan apwal laud kan,

I alu ni soh masak.

Pwe Silepei lapalap keren;

Eh sokon kin pere ie.

E keiekihdi moangei leh;

Ei kep kin widiwidek.

Eh kadek pahn kin idawehn ie,

I pahn mi nan eh tehnpas.

Eh kadek pahn kin idawehn ie,

I pahn mi nan eh tehnpas.

3. Erpit limpoak iei Silepei!

Kapingpe, I koul peren.

I wa rohng kamweit ong nah sihpw kan

Me Koht pahn apwalih ihr.

I men peikiong eh Mahsen,

Keid kanahieng nan eh ahl.

Ei pai kesempwal en papah Ih,

I doadoahngki rahn koaros.

Ei pai kesempwal en papah Ih,

I doadoahngki rahn koaros.