Koul 56 (135)

Siohwa, Aht Wasahn Kousoan

(Melkahka 90:1)

1. ‘Iohwa, Komwi aht Wasahn Kousoan

Sangete dih en mahs akan.

Mwohn ahr kapikada nahna kan,

Ahr lingan lap’ kin ket’ketier.

Komwi iei Koht me pahn kin soutuk;

Pahn duhduwehte kohkohla.

Ma Komw’ pil kamwerehdi warat,

Omw’ limpoak pahn kapw’reikitdo.

2. Pahr kid inenen werei mehlel,

Ohng Komwi duwehte aio.

Aramas rasehng dihpw me kin wah

Ni pwoaik en menseng, ahpw mengla.

Se kak pahr isihsek, walihsek

Ma aht kehl tohrohr kin mie;

Aramas audaudki me suwed,

Oh dirki soahng kamedek kan.

3. Audei kiht ohng kanahieng rahn kan,

Pwe sen kak peren kohkohla.

Ni aht mohngiong kan kin erpit,

Ewet en koul kapinga Ihr.

Omwi kadek ohng kiht, Siohwa,

En mih pohn noumwi ladu kan.

Koasoanehdi aht doadoahk koaros;

Oh pil aht wiewia kan.