Dahme Ke Pahn Nda Ma Ke Telephonela Wasakis oh Ke Anahne Koasoiong Misihn en Sapeng?
Telephone kin wia mehkot me mwahu ong kalohk ong aramas me sohte mihmi ni imwarail ahnsou me kitail kin kalohk ihmw-lel-ihmw de re kin mihmi wasa doh de wasa me apwal en pedolong. Ahpw, pwehki aramas tohto sohte kin sapeng neirail telephone—re kin mweidong neirail misihn (answering machine) en wia met. Ni ahnsou me misihno kin sapeng telephone, dahme ke pahn wia? Ke dehr pwilikihdi telephone. Ke kak kaunopada kisin padahk me ke kak wadek. Praktis wadek ahmw padahk ni ngihl kadek oh peren. Dahme ke pahn nda?
Ke kak luhke tohnihmwo en iang towehda Kapahrek ong Wehi Pokon me pahn wiawi nan Kingdom Hall. Ke kak nda: “I call pwe ke sohte mihmi ni imwomw ahnsou me I kalohk nan ahmw wasa rahn teio. Ahpw, I lemeleme ke pahn perenki rong kapahrek ehu me pahn wiawi me poahsoankihda Pwuhk Sarawi me oaralap koasoia: [ke pahn nda daidel en kapahreko], menlau iang towehda kapahreko me pahn wiawi nan aht ihmw sarawi en Sounkadehdehn Siohwa kan [aht ihmw sarawi adaneki “Kingdom Hall of Jehovah’s Witnesses”]. Luhk kin kohwong koaros en iang towehda. Sohte dahl en meirong kin pass-seli nan aht ihmw sarawio.” Mwurin mwo, ke pahn ndaiong tohnihmw ni sansal rahn oh kulok me mihding pahn wiawi, oh pil iawasa Kingdom Hall mihmi ie.
Ke pahn tehk irail me kapw kan me kin iang towehda mihding kan, tuhwong irail oh kasamwo irail. Oh pil, ken dehr manokehla en idek rehrail me re men onop Paipel!