Iren Mehn Kasukuhl 2
Ihs Koht?
Ihs Koht mehlelo, oh ia mware? (1, 2)
Soahngen kahlap dahieu me e sapwellimaniki? (3)
Ia sapwellime irair kasalel kan? (4)
Konehng kitail en doadoahngki dikedik kan oh sansal kan nan kaudok? (5)
Ahl riau dah kei kitail kak sukuhliki duwen Koht? (6)
1. Aramas kin kaudokiong soahng tohto. Ahpw Paipelo padahkiong kitail me Koht MEHLEL mehtehmen. E ketin kapikada audepen lahng oh sampah koaros. Pwehki e ketkihong kitail mour, Ih kelepw me kitail en kaudokiong.—1 Korint 8:5, 6; Kaudiahl 4:11.
2. Koht sapwellimaniki daidel tohto, ahpw mware mwar teieo. Mwareo iei SIOHWA. Nan kawehwehn Paipel tohto, irail kin kihsang mwaren Koht oh uhd wiliandi daidel kan duwehte KAUNO de KOHT. Ahpw ni ahnsou Paipel tepin wiawihda, mwaren Siohwa pwarada mpen pak 7,000!—Eksodus 3:15; Melkahka 83:18.
3. Siohwa sapwellimaniki kahlap ehu, ahpw kaidehn duwehte paliwaratail. “Ngehn ehu Koht,” Paipel mahsanih. (Sohn 4:24) Ngehn iei mwomwen mour ieu me ilelei sang ahn aramas. Aramas sohte kin kilang Koht. Siohwa kin ketiket nanleng, ahpw e kak mahsanih mehkoaros. (Melkahka 11:4, 5; Sohn 1:18) Ahpw, ni mehlel, dahkot ngehn sarawi? Kaidehn met kahlap ieu me duwehte Koht. Ahpw, e wia sapwellimen Koht manaman.—Melkahka 104:30.
4. Paipel kin kasansalehda sapwellimen Siohwa irair tohrohr akan ong kitail. E kin kasalehda sapwellime irair kaselel kan me iei limpoak, kopwungpwung, erpit, oh manaman. (Deuderonomi 32:4; Sohp 12:13; Aiseia 40:26; 1 Sohn 4:8) Paipel padahkiong kitail me E pil sapwellimaniki mahk-kalahngan, kadek, mahk, kadek-sapan, oh kanengamah. Kitail, duwehte seri peik kei, en nantiong alasang ih.—Episos 5:1, 2.
5. E konehng kitail en poardiong de kapakap ong sansal takai kan, de kilel kan ahnsoun atail kaudok? Soh! (Eksodus 20:4, 5) Siohwa mahsanih kitail en kaudokiong Ih kelepw. Sohte emen koht pahn ahneki lingan en mware. Sansal takai kan sohte ahneki kehl en sewese kitail.—Melkahka 115:4-8; Aiseia 42:8.
6. Iaduwen kitail kak uhdahn esehla Koht? Ehu ahl iei en kilikilang oh medemedewe loal duwen soahng koaros me e kapikada oh dahme kitail kak sukuhlkihsang kapikpikdah kan. Sapwellimen Koht kapikpikdah kan kin kasalehong kitail manaman roson oh erpit me Koht sapwellimaniki. Kitail kin kilang sapwellime limpoak nan soahng koaros me e ketin wiahda. (Melkahka 19:1-6; Rom 1:20) Pil ehu ahl me kitail kak sukuhliki duwen Koht iei sang ni atail kin onop Paipelo. Sang nan Paipelo, E kin padahkiong kitail soahngen Koht dah ih. E pil kehsehkin kitail duwen sapwellime koasoandih kan oh dahme e kupwurki kitail en wia.—Eimwos 3:7; 2 Timoty 3:16, 17.
[Kilel kan nan pali 5]
Kitail sukuhliki duwen Koht sang sapwellime kapikada kan oh sang Paipelo