SOAHNG KESEMPWAL KAN SANG MAHSEN EN KOHT | 2 KORINT 4-6
“Kitail Sohte Kin Uhdi”
Medewehla peneinei riau koukousoan nan imwen rent ehu me meringlahr oh ohlahr. E wehwe me ehu peneineio pehm me sohte arail koapworopwor. Ahpw peneinei teio pereperen. Dahme kahrehda? Keriaun peneineio pahn kereniong keseula ni ehu ihmw me kapw oh kaselel.
Mendahki “kepikipik koaros kin wiahki ehu ingihng oh weiweirek lao lel met,” sapwellimen Koht ladu kan ahneki koapworopwor me kin kakehlaka irail. (Ro 8:22) Kitail ese me atail kahpwal en ahnsouwet kan, pil kahpwal kan me kitail kin ahneki erein sounpar tohto, kin wiawi “ongete ahnsou kis oh me marahra” ma kitail pahn kapahrekihong mour kohkohlahte nan sapwellimen Koht sampah kapwo. Atail kin kilikilangwohngete kapai kan en Wehio ahnsou kohkohdo pahn sewese kitail en peren oh sohte uhdihsang papah Koht.