KOUL 31
Iang Koht Kekeid!
(Maika 6:8)
1. Iang Koht keid ni aktikitik,
Limpoak, loalopwoat, mehlel.
Karanih Siohwa oh likih Ih,
Eh kehl en kakehle iuk.
Ke sohte pahn kak salongala
Ni omw kol eh Mahsen.
Mweidohng limen Koht kahl’wa iuk
Ni omw rong oh peik ong Ih.
2. Iang Koht keid ni mwakelekel;
Medewe soahng kan me min.
Mehnda ma kasongosong kan pahn laud,
E pahn sawas ken dadaur.
Soahng koaros me kin mwahuong kaping,
Soahng koaros me mehlel,
Medemedewe soahng pwukat,
E ahpw pahn kin ket’ket rehmw.
3. Iang Koht keid ni nsenamwahu;
Peren pwe Ih Kompoak’pahmw.
Kalahnganki Eh kisakis koaros
Oh kapai poatopoat kan.
Iang Koht keid, omw mohngiong en peren;
Oh koulki omw peren.
Koaros kilang sang omw peren,
Me omw Koht iei Siohwa.
(Pil kilang Sen. 5:24; 6:9; Pil. 4:8; 1 Tim. 6:6-8.)