Wihk me Tepida March 25

WIHK ME TEPIDA MARCH 25

Koul 39 oh Kapakap

□ Onop en Paipel en Mwomwohdiso:

bh irelaud 11 par. 10-14 (minit 30)

□ Sukuhl ong Sapwellimen Koht Doadoahk:

Wadawad en Paipel: Luk 4-6 (minit 10)

No. 1: Luk 4:22-39 (minit 4 de mwotomwot sang)

No. 2: Sises Wiahte Aramas Mwahu Men?—w12 4/1 pali 5 par. 2-6 (minit 5)

No. 3: Ia Mehn Kadehde me Kasalehda Sises Ketin Iasada Sang Mehla?—1 Kor. 15:3-7 (minit 5)

□ Mihting en Kalohk:

Koul 12

5 min: Tapihada Ehu Onop en Paipel ni Tepin Rahn Kaunop. Doadoahngki kisin wiepen padahk kan nan pali 8, oh kamwomwada ia duwen omw pahn tapihada onop en Paipel ni tepin Rahn Kaunop en April. Kangoange koaros ren iang.

25 min: “Duwen Atail Pahn Doadoahngki Rong Mwahu Sang Rehn Koht!” Peidek oh pasapeng. Ni omw pahn koasoia parakrap 6, koasoanehdi kamwomwada riau.

Koul 17 oh Kapakap

3. Ia duwen pwuhk wet eh weksang pwuhken onop teikan?

³ Mwomwen Eh Wiawihda: Tohtohn neitail pwuhken onop kin ntingda pwe aramas men en kak wadek oh wehwehki padahk mehlel mehnda ma sohte emen sewese. Pwuhk wet weksang. E ntingda nin duwen mehn kaweid pwe ni emen eh sukuhlki Paipel, e pahn anahne emen sounkaweid. Kahrehda ni atail kin kihong emen pwuhk wet, e pahn keieu mwahu en wadek oh koasoiapene parakrap ehu de riau. Parakrap kan me mwotomwot, eri kitail pil kak kesihnente oh koasoiapene ni eh wenihmwo de ni eh wasahn doadoahk. Mendahki iren mehn kasukuhl 1 iei wasa mwahu en tepida onop, ahpw kitail kak tepida onop wasa sohte lipilipil nan pwuhko.

4. Ia duwen pwuhko eh sewese kitail en padahk sang nan Paipel?

⁴ Nan neitail pwuhk tohto, pasapengpen peidek kan kin dierek nan parakrap kan. Ahpw nan pwuhk wet, pali laud en pasapeng kan kin dierek nan Paipel. Pali laud en aramas akan men sukuhl sang nan Paipel a kaidehn sang neitail pwuhk kan. Ihme kahrehda kereniong iren Paipel koaros me kileldi, audepe ko sohte kasansalda nan parakrap kan. Ire ko anahne wadawad sang nan Paipel. Met kin sewese tohnsukuhl kan ren pohnese me dahme re sukuhlki kohsang rehn Koht.—Ais. 54:13.

5. Dahme kahrehda e kesempwal tohnpadahko en kaunopada mwahu ong ehuehu ahnsoun onop?

⁵ Pwuhk wet sohte kin kawehwehda iren Paipel kan koaros. Dahme kahrehda? E wiawihda pwehn kangoange tohnsukuhlo en idek peidek kan, oh e mweidohng tohnpadahko en doadoahngki eh koahiek en padahk. Ihme kahrehda e kesempwal en kaunopada mwahu ong ehuehu ahnsoun onop. Ahpw tamataman: Dehr kalapw lokaia. Kitail kin perenki kawehwehda iren Paipel kan. Ahpw onop Paipel kin kalapw pweida ni atail kin luke tohnsukuhlo en kasalehda eh madamadau ong iren Paipelo. Sang ni atail kihda peidek kan ni kamantik, kitail kak sewese ih en medewe oh pein wehwehki dahme ehuehu ire kin kasalehda.—Wiewia 17:2.