Ia Duwen Pwopwoud kan Ar Kak Kakehlaka Ara Mouren Pwopwoud

Eipraam oh Sara wia mehn kahlemeng mwahu en me pwopwoud kan me kin limpoakpene oh wauneki emenemen. (Sen 12:11-13; 1Pi 3:6) Ahpw, ara pwopwoud sohte unsek, oh ira anahne dadaur pahn kahpwal kan nan ara mour. Dahme me pwopwoud kan kak sukuhlki ni arail pahn medemedewe mehn kahlemeng en Eipraam oh Sara?

Koasoakoasoiong emenemen. Sapeng ni karakarahk ong lokaia kan me omw pwoud nda pwehki e lingeringerda. (Sen 16:5, 6) Wiahda ahnsoun mihmihpene. Sang ni omw koasoi oh wiewia kan, kamehlelehiong omw pwoudo me ke poakepoake. Ahpw kesempwal sang mehkoaros, tehk kanahieng me kumwa koaros kin keieu kesempwalki amwa nanpwungmwahu rehn Siohwa sang ni amwa kin onop, kapakap, oh kaudokpene. (Ekl 4:12) Mour en pwopwoud kehlail kin kawauwih Siohwa, Sounkoasoanehdi koasoandi sarawi wet.

KILANG KISIN KASDO HOW TO STRENGTHEN THE MARRIAGE BOND, OH MWURI SAPENGALA PEIDEK PWUKAT:

• Nan kisin kasdou, ia ekei kilel kan me kasalehda me Shaan oh Kiara dohdohla sang emenemen?

• Dahme kahrehda koasoakoasoipene ni mehlel oh sansal kin kesempwal nanpwungen pwopwoud ehu?

• Ia duwen mehn kahlemeng en Eipraam oh Sara eh sewese Shaan oh Kiara?

• Kahk dah kan me Shaan oh Kiara wia pwehn kakehlakahda ara pwopwoud?

• Dahme kahrehda ohl pwopwoud men oh lih pwopwoud men en dehr kasik me ara pwopwoud pahn unsek?