Pwungkihla Soai Pwoat Pahn Kahrehda Alahldahn Soai Teikan
DAHME Wahnpoaron Pohl ntingkihlahng tepin Kristian akan oh kehkehlingkihong irail en kanaiehng? E koasoia: “Eri, kumwail kanahieng pwe emen de pitihkinkumwaildi loalokong widing mwahl en aramas akan, me re kin alehdi sang ni padahk kodoudou en mehn kawa ko.”—Kolose 2:8.
Mendahki ahn Pohl kehkehlik wet, ekei Kristian akan nan pahr 150 samwa tepidahr doadoahngki madamadau en mehn liki ndand kan en mahsie kan pwehn kawehwe dahme re kin kamehlele. Dahme kahrehda? Pwehki re men aramas teikan me sukuhl laud nan wehin Rom en pwungki arail padahk kan oh iangala arail pelien lamalam.
Emen irail Kristian pwukat me adaneki Justin Martyr kin kamehlele me sapwellimen Koht Sounkair me iei Sises kasalehdahr pein ih ong mehn Krihk ndand en mahsie mwohn e ketido sampah. Justin oh irail sounpadahk kan me kin padahngki soangen padahk pwukat kin medewe me arail kapatahiong padahk pwukat nan arail padahk en Kristian kak kahrehda me tohto en pwungki.
En Justin Martyr eh pelien lamalam kahrehda aramas tohto en iangala Kristian. Ahpw arail alehda padahk en mehn mahsie kan kahredahr ren pil wiahda ekei padahk teikan me aramas kin uhd leme me dene iei padahk en Kristian. Pwehn kasalehda me padahk pwukat kin wia soai keite, menlau kasawih dahme pwuhk kan koasoiahki padahk pwukat oh dahme Paipel padahngki.
[Kawehwehpen kilel kan nan ehu ehu pali 3]
Devil: Barrators—Giampolo/The Doré Illustrations For Dante’s Divine Comedy/Dover Publications Inc.; angels: Art Resource, NY; trinity relief: Museo Bardini, Florence