Ia Duwen Omw Kin Kilangwohng Sises?

Ia duwe, ke kin kilangwohng Sises duwehte seri pwelel men, ohl men me pahn melahr, de Nanmwarki lapalap men?

Paipel kasalehda me Sises iei Nanmwarki lapalap men. Ahpw ia wehwehn met ong komwi?

Aramas tohto kamehlele me Sises ketin pwoukinirailla. Ahpw ia duwen pwoulahn ohl emen me wiawi mpen sounpar 2,000 samwalahro eh kak wehwehki mour ong meteikan rahnwet?

Se luke komwi en iang karonge pasapengpen peidek pwukat me pahn kohsang nan Paipel. Padahk wet pahn wiawi ni ahnsou me Sounkadehdehn Siohwa kan kin wia katamanpen sapwellimen Sises pwoula. Nan pahr wet, kataman wet pahn wiawi Niepeng, April 5, mwurin kihrlahn ketipin.

Menlau tehk rehn Sounkadehdehn Siohwa kan wasa oh kuloak me kataman wet pahn wiawi.

Ni Rahn Sarawi en wihk en katamanpen sapwellimen Sises pwoula, Sounkadehdehn Siohwa kan pahn pil wia padahk kaselel ehu sang Paipel me oaralap koasoia “Kitail Kerenlahngehr ni Imwio Sang Dahme Kitail Medewe?” Padahk wet pahn wia koasoandi kesempwal ehu pwehn lelohng aramas koaros nan sampah pwon me kin poakohng padahk mehlel oh men kalaudehla arail wehwehki duwen Sises. Se luke komwi en iang towehda.