Kisin Wiepen Padahk kan
Pwehn Tapihada Onop en Paipel kan ni Tepin Rahn Kaunop en January
“Ekei pahpa kan kin pehm me mie soahng tohto me re anahne wia pwe ren pweida ni arail kakairada neirail seri kan. Ahpw ekei pahpa kan kin medewe me ihte me irail anahne wia iei en kihong neirail seri kan arail anahn en war kan. Ia omw madamadau ong met?” Rong pasapeng. Oh kihong tohnihmwo Kahn Iroir en December 1 oh koasoia ehu kahpwal sang rehn kahpwal siluh me aramas kin kalapw lelohng sang tepin sawaspen oaralap nan pali 30. Wadekohng tohnihmwo sapwellimen Siohwa Koht kahlemeng mwahu nan Madiu 3:17. Kihla Kahn Iroiro oh koasoanehdi pwehn pwurala reh oh koasoia pil ehu kahpwal.
Kahn Iroir December 2011
“Ekei aramas kin pehm me audepen Paipel me pid wia nsenen pwopwoud solahr konehng en doadoahngki oh me nohn kakos. Ahpw ekei kin pwungki Paipel. Ia omw madamadau ong met? [Rong pasapeng.] Tehk dahme ire wet koasoiahki poahsoanpen audepen Paipel. [Wadek 2 Timoty 3:16.] Kisin pwuhk wet kasalehda ia duwen Paipel eh kin sapengala peidek eisek me aramas kin kalapw idek me pid wia nsenen pwopwoud. E pil kawehwehda ia duwen atail kin paiekihda koasoandi kan en Paipel.”
Kahn Iroir December 2011
“Ma ke men wia kompoakepah mwahu en emen aramas, ke pahn kin koasoiaiong irail soahng kante me ke kin mwahuki? [Rong pasapeng. Wadek Pilipai 2:4.] Mehlel, pahpa oh nohno kan kin men karanih neirail seri kan. Iren onop me tepida ni pali 30 pahn kasalehiong pahpa kan ia duwen arail kak karanih neirail seri kan.”