Introduson

12 Kusas ku pudi pui un familia sedu filis

No ta obi manga di kusas mau ku ta akontisi na familia ku ta pui e sipara. Ma ke ku pui utrus familia ta sedu filis?

• Entri 1990 te 2015 kasamentis ku kaba na Stadus Unidu, entri kilis ku tene 50 anu sedu dus bias mas ciu, entri kilis ku tene 65 anu sedu tris bias mas ciu.

• Papes sta konfusu: Alguns spesialistas ta fala kuma papes dibi di ngaba mininus ciu, i utrus ta fala kuma e dibi di sedu mas duru ku elis pa pudi juda elis.

• Jovens ta entra na fasi adultu sin tene abilidadis ki pirsis pa sai ben na vida.

Mesmu asin, realidadi i es . . .

• Kasamenti pudi sedu un union filis i permanenti.

• Papes pudi aprindi disiplina se fijus ku amor.

• Jovens pudi aprindi abilidadis ke na pirsisa del na fasi adultu.

Di kal manera? Es rivista No Korda! na fala di 12 kusas ku pudi pui un familia sedu filis.