Vivi pa tudu tempu ku sabura na tera!
Es libru kumpudu pa judau kunsi kin ki kumpu tera ku tudu kusas ki tene. Bu na sibi di ki Deus, ki kumpu tera, tene un nomi, ma tambi pabia di ke ku manda i kumpu omi i kuma ku bu pudi vivi pa tudu tempu ku sabura na tera.
No na pera pa manga di diseñus judau ntindi minjor es kusas. Pa tira mas purbitu, bu dibi di lei testus di Biblia ku pudu pertu di diseñus. Des manera, bu na lei pa bu propi kabesa alguns di bon purmesas di Deus ku sta na Biblia i di ke ku Deus fala ku bu dibi di fasi pa tira purbitu ora ku si purmesas kumpri.
Talbes bu misti tambi usa es libru pa juda utrus. Si bu tene fijus, bu pudi usal pa juda elis kunsi Deus. Si bu mora na un kau ki manga di garandis ka sibi lei, bu pudi usa diseñus pa juda elis ntindi vontadi di Deus, i tambi, pa e pudi juda se visiñus.
No na pera ku tudu seredadi pa studu des libru mostrau kuma ku bu pudi risibi manga di bensons, i tambi juda utrus sibi kuma ke pudi vivi pa tudu tempu ku sabura na tera.