Kin ki kumpuu?

1 Deus kumpu seu ku tera.—Jenesis 1:1.

2 Deus tene un nomi. Si nomi i Jeova.—Salmu 83:18.

Jeova ta vivi na seu. El i spiritu. Bu ka pudi ojal.—Isaias 66:1; Jon 1:18; 4:24.

3 Jeova Deus kumpu manga di anjus na seu. Elis i spiritu tambi. E seduba tudu bon. Antigamenti, i ta ten bias ke ta toma kurpu di pekadur pa omis pudi oja elis.—Ebreus 1:7.

4 Jeova kumpu limarias manga di tempu atras, antis di kumpu omi.—Jenesis 1:25.

5 Jeova kumpu tambi un omi comadu Adon ku si minjer comadu Eva.—Jenesis 1:27.

Deus pui elis na un jardin bunitu o paraisu. I kumpu son un minjer pa Adon. Omi dibi di fika ku si uniku minjer.—Jenesis 2:8, 21, 22, 24.

6 Omi i alma.—Jenesis 2:7.

7 Limarias i alma.—Jenesis 1:24.