Un vison ku ta fortalisi fe

9:1-7

Oca ku Jesus torkia parsensa, imaẑina kuma ki dibi di sinti, oca ki obi si Pape ku sta na seu fala kuma i setal. Sin duvida, es fortalisi Jesus pa sufrimentu ki staba pa pasa. Es vison marka Pedru, Tiagu ku Jon. Es vison konvensi elis kuma Jesus i Mesias i e fasi diritu manera ke obil. 32 anus mas tardi, Pedru lembra inda des spiriensia i kuma ki “palabra ku anunsiaduris fala” fortalisi si fe. — 2 Ped 1:16-19.

Apesar di no ka oja pesualmenti ki vison, no sedu tustumuñu di si kumprimentu. Jesus sta na rena suma un Rei puderosu. I ka na tarda, i na “sai vensidur pa torna vensi”, pa yabri kamiñu pa un novu mundu justu. — Apok 6:2.

Ora ku bu oja kumprimentu di profesia di Biblia, kuma ki ta fortalisi bu fe?