“Kil ku Deus junta . . . ”

Lei di Moisés ta iziẑiba pa un omi ki na pensa divorsia, purpara un sertifikadu legal. Kila ta sirbi suma un manera di tuji pa sedu fasil kaba kasamentu. Pa kontrariu, na tempu di Jesus, lideris riliẑiosu fasi pa divorsiu sedu fasil. Omis pudiba divorsia ku se minjeris pa kualker motivu. (nwtsty notas di studu na Mar 10:4, 11) Jesus mostra kuma Jeova ku pirmiti pa kasamentu ten, tambi i el ku kumpul. (Mar 10:2-12) Un omi ku un minjer dibi di torna “un kurpu son”, un union permanenti. Sugundu relatu parsidu ku sta na Mateus, uniku motivu bibliku pa divorsiu i ora ku bu “pañal cai”. — Mat 19:9.

Aos, manga di jintis ka ta oja kasamentu suma ku Jesus ta ojalba, ma suma Fariseus. Ora ki purblema surẑi, jintis di mundu ta divorsia rapidu. Ma, kasal kristons, ta oja se kumprimisu di kasamentu suma un kusa seriu i ora ku purblema surẑi e ta sforsa pa aplika prinsipius di Biblia. Jubi video Amor ku rispitu ta uni familia, i dipus ruspundi es purguntas:

• 

  Kuma ku bu pudi aplika Ditus 15:1 na bu kasamentu, i pabia ki importanti?

• Kuma ku bu pudi ivita purblemas atraves di aplika Ditus 19:11?

• Si bu kasamentu sta na pontu di kaba, en ves di pensa, ‘Sera ki N dibi di divorsia?’ kal purgunta ku bu dibi di fasi?

• Kuma ku bu pudi sedu bon omi o bon minjer atraves di aplika Mateus 7:12?