NO VIDA KRISTON
Ivita armadilias di redi sosial
PABIA KI IMPORTANTI: Asin suma maioria di feramentas, redi sosial pudi sedu di ajuda o pirigosu. Alguns kristons disidi ka usa redi sosial. Utru kristons ta usa redi sosial pa manti kontaktu ku familia i ku amigus. Ma, Diabu misti pa no usa redi sosial ku tulesa, i kila pudi dana no reputason ku no spiritualidadi. Suma Jesus, no pudi usa prinsipius di Palabra di Deus pa identifika i ivita di pirigus. — Luk 4:4, 8, 12.
ARMADILIAS KU NO DIBI DI IVITA:
Usa redi sosial pur dimas. Gasta manga di tempu na redi sosial pudi robau tempu presiosu ku bu pirsisa del pa kusas spiritual.
Prinsipius di Biblia: Efe 5:15, 16; Fil 1:10
Jubi kusas duvidozu. Jubi imaẑens provokanti pudi lebanu tene vontadi forti pa pornografia o imoralidadi. Lei kusas o blog di apostata pudi dana no fe.
Prinsipius di Biblia: Mat 5:28; Fil 4:8
Publika komentarius o fotos ku ka bali. Pabia di korson nganadur, un algin pudi tene nklinason di publika komentarius o fotos ku ka bali na redi sosial. Ma kila pudi dana reputason di algin o pul pa i tropesa spiritualmenti.
Prinsipius di Biblia: Rom 14:13; Efe 4:29
MOSTRA VIDEO SÊ CUIDADOSO AO USARES REDES SOCIAIS, I DIPUS REKAPITULA KUMA DI IVITA PA ES KUSAS KU MOSTRADU LI KA AKONTISI KU BO: