Kontinua faima pa ki dia ku mpeñu

Kantu tempu ku bu sta ja na pera pa Renu di Deus bin? Bu sta na mpeña o persevera ku pasiensia apesar di difikuldadi? (Rom 8:25) Alguns kristons ta nfrenta odiu, maltratu, prison, o te mesmu mortu. Manga di utrus ta lida ku provasons suma duensa kroniku o idadi avansadu.

Ke ku pudi judanu faima pa ki dia, dianti di kualker provason? No dibi di manti no fe forti, atraves di lei Biblia kada dia i medita na ke ku no lei. No dibi di konsentra na no speransa. (2 Kor 4:16-18; Eb 12:2) No dibi di suplika Jeova na orason pa i danu puder atraves di si spiritu santu. (Luk 11:10, 13; Eb 5:7) No Pape amorosu na judanu “nguenta tudu ku bin, ku pasensa ku kontentamentu”. — Kol 1:11.

MOSTRA VIDEO NO DIBI DI “KURI KU TUDU MPEÑU” — TENE KONFIANSA KUMA BU NA GAÑA PREMIU, I DIPUS RUSPUNDI ES PURGUNTAS:

• 

  Kal “sorti [‘kusas ku ka speradu,’ NM]” ku pudi akontisi na no vida? (Ekl 9:11)

• 

  Kuma ku orason pudi judanu, ora ku no na nfrenta provasons?

• 

  Si no ka pudi fasi mas na sirvisu pa Jeova suma ku no ta fasiba, pabia ku no dibi di konsentra na ke ku no pudi fasi?

• 

  Ke ku judau tene konfiansa di kuma bu na gaña premiu?