NO VIDA KRISTON
Jeova ta judanu nguenta no purblemas
Duranti fin de tempu, no sta na pasa pa manga di purblemas difisil. Utrora no pudi sinti di kuma no purblemas sedu difisil dimas pa nguenta. Ma si no kontinua pertusi di Jeova, i na judanu nguenta te mesmu purblemas mas difisil. (Isa 43:2, 4) Kuma ku no pudi pertusi di Jeova ora ku no pasa pa purblemas?
Orason. Ora ku no ora Jeova ku tudu korson, i na danu pas ku forsa emosional pa nguenta. — Fil 4:6, 7; 1 Tes 5:17.
Runions. No pirsisa di kumida spiritual ku kompañia ku Jeova ta danu na no runions, mas di ki nunka. (Eb 10:24, 25) Ora ku no purpara, mati i partisipa na runions, no ta aproveita ben di ajuda di spiritu di Jeova. — Apok 2:29.
Pregason. I na sedu mas fasil konsentra na kusas pusitivu, si no fasi tudu ku no pudi pa manti okupadu na pregason. Tambi no na fortalisi no amisadi ku Jeova i ku no kumpañeris di tarbaju. — 1 Kor 3:5-10.
JUBI VIDEO JEOVA NA KUIDA DI BO, I DIPUS RUSPUNDI ES PURGUNTAS:
Ke ku juda Malu kontinua pertusi di Jeova oca ki na pasa purblemas?
Suma Malu, kuma ku palabras ku sta na Salmu 34:18 ta animanu ora ku no na pasa purblemas?
Kuma ku spiriensia di Malu mostra di kuma Jeova ta danu ‘puder garandi’ ora ku no pasa purblemas? — 2 Kor 4:7.