No Minjoria No Abilidadi Na Pregason — Skirbi bon kartas

PABIA KI IMPORTANTI: Livru di 1 Koríntius i un di 14 karta ku apostulu Paulu skirbi pa nkoraẑa si kumpañeris kriston. Un karta ta pirmiti kin ku na skirbil kuji diritu palabras, tambi kin ku na risibil pudi leil manga di bias. Kartas i un bon meiu di da tustumuñu pa no parentis ku jintis ku no kunsi. Kartas sedu tambi un manera efikas di da tustumuñu pa kilis ku no ka ta konsigi papia ku elis diretamenti. Pur izemplu, algin pudi mostra interesi ma i difisil pañal na kasa. I pudi sedu difisil kontakta sertus jintis di no tiritoriu pabia e mora na apartamentus di alta suguransa, kumunidadis ficadu, o zonas izoladu. Kal kusas ku no dibi lembra del spesialmenti ora ku no na skirbi pa algin ku no ka kunsi?

KUMA KU NO PUDI FASIL:

• 

  Skirbi kil ku bu na falaba si bu sta si dianti. Introduzi bu kabesa na kumsada di karta, i splika klaru ke ku pui bu na skirbi. Talves fasi un purgunta ki pudi pensa nel, i papia di no site. Dipus splikal kuma i ten lisons pa studu di Biblia na internet, mensiona no programa di studu di Biblia na kasas, o mensiona alguns kapitulus di un di no ajudas pa studu. Bu pudi pui na karta publikasons suma karton di visita, konviti, o tratadu.

• Sedu brevi. Ka bu skirbi karta kumpridu pa ka si dunu bin kansa leil. — Jubi mudelu di karta.

• Jubi si kontra i ka tene erus, si i fasil di lei. Sertifika di kuma i sedu amigavel, i skirbidu ku rispitu i si sedu pusitivu. Pui selus sufisienti.