Mudelu di karta

• Usa bu propi indiresu. Si bu pensa kuma i ka na sedu suguru da bu propi indiresu, bu pudi usa indiresu di Salon di Renu si ansions dau otorizason di fasil. Ma NUNKA bu ka dibi di usa indiresu di filial na lugar di bu indiresu.

• Usa nomi di ki algin si bu kunsil. Kila na ivita da impreson di kuma karta i un publisidadi.

• Presta atenson na skirbi palabras izatu, na gramatika ku pontuason. Karta dibi sta limpu i organizadu. Si kontra i skirbidu ku mon, i dibi di sedu fasil di lei. Palabras ka dibi di sedu informal dimas nin formal dimas.

Es mudelu di karta ta mostra es pontus. I ka fasidu pa kopia palabra pa palabra kada bias ku bu na skirbi pa un algin na bu tiritoriu. Ajusta bu karta di akordu ku si objetivu, i di akordu ku situason i ku kustumis lokal.