Jovens — bo tene “vontadi pa fasi bon tarbaju”

Na si karta nspiradu ki skirbi pa Titu, apostulu Paulu fala kuma, jovens nkluindu Titu, dibi di da se minjor i sedu ‘isemplu na tudu, ku bon tarbaju ke na fasi.’ (Titu 2:6, 7) Mas dianti na mesmu kapitulu, i mostra kuma povu di Jeova purifikadu, pa e pudi “ten vontadi pa fasi bon tarbaju.” (Titu 2:14) Un di bon tarbaju i prega ku sina aserka di Renu di Deus. Si bu sedu joven, sera ki bu pudi usa forsa di bu juventudi pa sirbi suma pioneru ausiliar o regular? — Dit 20:29.

Si bu misti sedu pioneru, fasi un planu realista ku na judau konsigi yangasa es objetivu. (Luk 14:28-30) Pur izemplu, kuma ku bu na sustenta bu kabesa na sirvisu di tempu kompletu? Kuma bu na kumpri rikisitu di oras? Pidi Jeova pa i judau. (Sal 37:5) Papia ku bu papes aserka di bu planus i ku kilis ku sai ben suma pioneru. Dipus da pasus pa yangasa bu objetivu. Sin duvida, Jeova na bensua bu sforsu na si sirvisu!

JUBI VIDEO JOVENS QUE HONRAM A JEOVÁ, I DIPUS RUSPUNDI ES PURGUNTAS:

• Kal disafius ku alguns vensi pa sedu pioneru, i kuma ke fasil?

• Kuma ku papes pudi juda se fijus sedu pioneru regular?

• Pabia ki importanti tene un programa di pregason?

• Kuma ku membrus di kongregason pudi nkoraẑa i juda un pioneru?

• Kal bensons ku na pera kilis ku na sirbi suma pioneru?