NO VIDA KRISTON

Yanda na bon manera ku rispitu ta fasi algin muda

Manga di bias minjeris ku bin sedu kriston ta bin gaña o atrai se omis pa bardadi atraves di se konduta kriston. Ma, es pudi iziẑi aguenta situasons difisil pa manga di anus. (1 Ped 2:21-23; 3:1, 2) Si bu sta na sufri di manera injustu, kontinua ngaña mal ku ben. (Rom 12:21) Talves bu omi ka na obi ke ku bu na fala aserka di Jeova, ma ora ki oja bu bon izemplu, i pudi muda si manera di oja bardadi.

Tenta nkara kusas di pontu di vista di bu parseru. (Fil 2:3, 4) Mostra empatia i tene pena, i fasi bu minjor pa kumpri ku bu responsabilidadis suma minjer. Sedu bon obidur. (Tiagu 1:19) Sedu pasienti, i garanti bu parseru kuma bu amal. Nin si bu parseru ka ta mostra mesmu bondadi ku rispitu, bu pudi tene serteza kuma Jeova ta apresia bu fidelidadi. — 1 Ped 2:19, 20.

JUBI VIDEO JEOVÁ DÁ-NOS FORÇA PARA LEVARMOS A NOSSA CARGA, I DIPUS RUSPUNDI ES PURGUNTAS:

Kuma ku vida di Grace Li seduba oca ki kumsa kasa?
Ke ku atrail pa bardadi?
Kuma ku irma Li nfrenta situason difisil dipus ki batiza?
Ke ku irma Li pidi na orason pa si omi?
Kal bensons ku irma Li risibi manera ki yanda na bon manera ku profundu rispitu?

Imaẑens: Senas di video ‘Jeová Dá-nos Força Para Levarmos a Nossa Carga’ ku na mostra progresu di Grace Li. 1. Grace na cora. 2. Un irma na studa Biblia ku Grace. 3. Grace ku si fijus na sai di se restauranti e na bai pa runion. 4. Grace ku novi membrus di si familia na Salon di Renu. — Yanda na bon manera ku rispitu tene forsa!