Kuma ku bu pudi kumsa kombersa ku tratadus

Desdi janeru di 2018, kapa di Manual pa Runion Vida ku Ministeriu kumsa ku tene mudelu pa kombersas. No nsentivadu konsentra na kombersa ku jintis, en ves di disa elis so ku publikason. Pa juda publikaduris ajusta se apresentason, videos di mudelu pa kombersas mostra kuma ku no pudi usa so Biblia ora ku no na kumsa kombersa. Sera ki es signifika kuma, no ka dibi di usa publikasons ora ku no na prega di kasa pa kasa? Nau! Pur izemplu, tratadus pudi sedu efikas pa kumsa kombersa. No pudi usa es mudelu ora ku no na usa kualker tratadu:

1. Fasi purgunta ku tene diferenti opson ku sta na tratadu.

2. Mostra resposta di Biblia na kumsada di sugundu paẑina. Si tempu na pirmiti, lei i papia di alguns informason ku sta dentru di tratadu.

3. Da morador tratadu, i nsentival pa i kabanta leil dipus.

4. Antis di bu bai, mostral purgunta ku sta na parti, “Pensa nes” i kombina kel pa bin mostral resposta di Biblia utru bias.

Ora ku bu riba, konsidera resposta di purgunta ku bu disalba i disal ku utru purgunta pa prosimu bias. Bu pudi kuji un purgunta ku sta na no site o ku sta na publikason ku mensionadu tras di tratadu. Na tempu apropriadu, introduzi broŝura Bon Noba ku Bin di Deus! o utru publikason di studu ku sta na kaŝa di feramenta pa nsina.