Kampaña spesial na mis di novembru pa anunsia Renu di Deus

Jesus konta “Bon Noba di renu di Deus”. (Luk 4:43) Tambi i sina jintis pa ora aserka des Renu. (Mat 6:9, 10) Duranti mis di novembru no na fasi un sforsu spesial pa anunsia Renu di Deus. (Mat 24:14) Organiza bu vida pa pudi tene un bon partisipason nes kampaña. Tudu kilis ku sirbi suma pioneru ausiliar pudi disidi se na fasi 30 o 50 ora na ki mis.

Fasi tudu ku bu pudi pa lei un testu di Biblia aserka di Renu di Deus pa maioria di jintis na bu tiritoriu. Ora ku bu na kuji testu, leba en konta ke ku morador ta fia nel. Si algin mostra interesi na purmeru kontaktu, disal ku A Sentinela edison pa publiku N.° 2 2020. Fasi revisita mas rapidu pusivel, i tenta kumsa un studu di Biblia ku publikason ku sta na no kaŝa di feramenta pa nsina. I sobra puku tempu antis di Renu di Deus kaba ku tudu guvernus ku sta kontra el. (Dan 2:44; 1 Kor 15:24, 25) Asin, no aproveita di manera kompletu es opurtunidadi spesial pa mostra no lealdadi pa Jeova ku si Renu!