Konta bon notisias di kuma un mundu minjor sta pertu!

Na mis di novembru, no na bin fasi un sforsu spesial di konta bon notisias di kuma un mundu minjor sta pertu. (Sal 37:10, 11; Apok 21:3-5) Ajusta bu programa pa pudi tene un bon partisipason nes kampaña. Si bu toma sirvisu di pioneru ausiliar na ki mis, bu pudi kuji fasi 30 o 50 ora.

Sta purparadu pa lei un testu di Biblia aserka di novu mundu pa maioria di jintis ku bu na papia kel si pusivel. Ora ku bu na kuji un testu di Biblia, pensa na kil ku na mas nteresa jintis di bu tiritoriu. Si un algin mostra interesi na purmeru kontaktu, dal un A Sentinela N.° 2 2021. Dipus, rivisital mas rapidu pusivel i tenta kumsa un studu di Biblia ku broŝura Bu Pudi Tene un Vida Filis pa Sempri!. I un kontentamentu garandi partisipa na konta “bon notisias”! — Isa 52:7.

JUBI KLIPS DI MUSIKA NO MUNDO QUE AÍ VEM, I DIPUS RUSPUNDI ES PURGUNTAS:

• Kal futuru bonitu ku bajudasiñu sta na imaẑina kel?

• Ke ku bu mas misti oja na novu mundu?

• Kuma ku medita na bu speransa pudi judau purpara pa tene un bon partisipason na kampaña di mis di novembru? — Luk 6:45